ԾՐԱԳՐԻ ՄԱՍԻՆ

Հայաստանի Հանրապետության սփյուռքի նախարարությունը 2009 թվականից հաջողությամբ իրականացնում է «Արի տուն» ծրագիրը:

Ծրագրի հիմնական նպատակն է - սփյուռքահայ երիտասարդների ծանոթությունը Հայաստանի պատմությանը, մշակույթին, հասարակական կյանքին, հոգևոր  և ընտանեկան ավանդույթներին ։Այն նպաստոմ է հայրենիքի հետ ամուր կապերի ձեռքբերմանը, ազգային ինքնության ամրապնդմանը, ինչպես նաև Հայաստանի և Սփյուռքի միջև ջերմ հարաբերությունների հաստատմանը։

Ծրագիրը ներառոմ է - այցելություններ Հայաստանի պատմամշակութային վայրեր, համերգներ, փառատոներ, ցուցահանդեսներ, թատերական ներկայացումներ, հայոց լեզվի, գրականության, պարարվեստի, հայոց պատմության և եկեղեցական ավանդույթների ուսուցում։ Ծրագրի կարևոր բաղադրիչն է շփումը Հայաստանի և Սփյուռքի հասակակիցների միջև , ինչպես նաև հանդիպումները պետական և հասարակական ակնառու գործիչների հետ։

Ծրագրին կարող են մասնակցել 13-17 տարեկան սփյուռքահայ երիտասարդներ։

Ծրագրի մասնակիցը հոգում է հետևյալ ծախսերը – բնակության երկրից Հայաստան և հետադարձ ուղեվարձի  արժեքը:

Սփյուռքի նախարարությունը ապահովում է

  • Անհրաժեշտության դեպքում` անվճար Հայաստան մուտքի արտոնագիր:
  • Փոխադրամիջոց (դիմավորում, տեղափոխում հյուրընկալող ընտանիք, շրջագայություններ ծրագրի շրջանակներում, ճանապարհում)
  • Սնունդ (նախաճաշ և ընթրիք` հյուրընկալ ընտանիքում և ճաշ ծրագրի շրջանակներում)
  • Ծրագրի տարբերանշանով համազգեստ (շապիկ, գլխարկ,պայուսակ)
  • Անվճար մուտք թանգարաններ և այլ մշակութային հաստատություններ` ծրագրի շրջանակներում: