Հայաստանի Հանրապետության սփյուռքի նախարար Հրանուշ Հակոբյանի ողջույնի խոսքը

Սիրելի՛ սփիւռքահայ երիտասարդ

Այցելելով Հայաստան եւ մասնակցելով «Արի Տուն» ծրագիրին` դուն կ’ունենաս հնարաւորութիւն ներթափանցելու հսկայական աշխարհի մը պատմութեան ու մշակոյթին մէջ, աշխարհ մը, որ կը կոչուի էթնիկ Հայրենիք:

Միաժամանակ դուն կ’ունենաս բացառիկ հնարաւորութիւն ապրելու հայկական հիւրընկալ ընտանիքի հետ եւ ձեռք բերելու հասակակից ընկերներ թէ՛ Հայաստանէն, թէ՛ աշխարհի տարբեր երկիրներէ:

Դուք ձեր հայրենիքին` ձեր տան մէջ էք: Ծրագիրն ունի բարոյական, հոգեբանական, քաղաքական, պատմական մեծ նշանակութիւն: Մենք խնդիր  դրած ենք, որ մեր սփիւռքահայ երեխաները ապրին մեր հայ ընտանիքներուն մէջ, ճանչնան հայկական կենցաղը, հայկական աւանդական ընտանիքի բարքերը, որ անոնք տեսնեն, զմայլուին Արարատով, ոտք դնեն հայրենի հողին, ուժ առնեն ատկէ, ձեռքերը լուան Սեւանայ լիճին մէջ, մոմ վառեն Մայր Աթոռ Սուրբ Էջմիածինի մէջ եւ խոնարհին Ցեղասպանութեան յուշարձանին առջեւ: Ես կը կարծեմ, այս բոլոր գործողութիւնները կատարելէ ետք, անոնք շատ աւելի հզօրացած հայկականութեամբ պիտի վերադառնան իրենց երկիրներ` շարունակելու հայապահպանութեան ամենակարեւոր եւ ամենաանհրաժեշտ ծրագիրը, որն է` հաւատարիմ մնալ հայ ինքնութեան, հայ համայնքին, հայ եկեղեցւոյ, հայ պետութեան:

Հրանոյշ Յակոբեան

ԾՐԱԳՐԻ ՄԱՍԻՆ

«ԱՐԻ ՏՈՒՆ» ծրագիրը  յաջողութեամբ մեկնարկեց 2009-ին: Ծրագրի ծիրէն ներս 8 տարուան ընթացքին Հայաստան այցելեցին շուրջ 7000 հայ երիտասարդներ աշխարհի 54 երկրներէ: Այս տարի մենք նախատեսած ենք ընդունիլ շուրջ 1000 երիտասարդ:

Ծրագրի հիմնական նպատակները - Սփիւռքահայ երիտասարդներու ծանօթութիւնը Հայաստանի պատմութեան, մշակոյթին, հասարակական կեանքին, հոգեւոր եւ ընտանեկան աւանդոյթներուն: Հայրենիքի հետ ամուր կապերու ձեւաւորման նպաստում, ազգային ինքնութեան ամրապնդում, ինչպէս նաեւ Հայաստանի եւ Սփիւռքի միջեւ ջերմ յարաբերութիւններու հաստատում:

Նախաձեռնութիւններու ծրագիրը կը ներառէ - Այցելութիւններ Հայաստանի պատմամշակութային վայրեր, համերգներ, փառատօներ, ցուցահանդէսներ, թատերական ներկայացումներ, հայոց լեզուի, գրականութեան, պարարուեստի, հայոց պատմութեան եւ եկեղեցական աւանդոյթներու ուսուցում: Ծրագրի կարեւոր բաղադրիչն է շփումը Հայաստանի եւ Սփիւռքի հասակակիցներու հետ, ինչպէս նաեւ հանդիպումներ պետական եւ հասարակական ակնառու գործիչներու հետ:

«Արի տուն» ծրագրի 2017 թուականի իրականացման փուլերն են`

1

Յունիս 18 – Յուլիս 1

2

Յունիս 25 – Յուլիս 8

3

Յուլիս 2 – Յուլիս 15

4

Յուլիս 9 – Յուլիս 22

5

Յուլիս 16 – Յուլիս 29

6

Յուլիս 23 – Օգոստոս 5

7

Յուլիս 30 – Օգոստոսի 12

8

Օգոստոս 13 – Օգոստոսի 26

Ծրագրին կրնան մասնակցիլ 13-18 տարեկան սփիւռքահայ երիտասարդներ:

Ծրագրի մասնակիցը կը հոգայ  բնակութեան երկրէն Հայաստան եւ հետադարձ ուղեվարձի  արժէքը:

Սփիւռքի նախարարութիւնը կ’ապահովէ

  • Անհրաժեշտութեան պարագային` անվճար Հայաստան մուտքի արտոնագիր:
  • Փոխադրամիջոց (դիմաւորում, տեղափոխում հիւրընկալող ընտանիք, շրջագայութիւններ ծրագրի ծիրէն ներս, ճանապարհում)

Սնունդ (նախաճաշ եւ ընթրիք` հիւրընկալող ընտանիքի յարկին տակ եւ ճաշ ծրագրի ծիրէն ներս)

  • Ծրագրի տարբերանշանով համազգեստ (շապիկ, գլխարկ, պայուսակ)
  • Անվճար մուտք թանգարաններ եւ այլ մշակութային հաստատութիւններ` ծրագրի ծիրէն ներս

Ծրագրին մասնակից դառնալու համար անհրաժեշտ է անցնել տուեալ կայքի «Մասնակցել» բաժին:

Յարգելի մասնակիցներ, նախապէս կրնաք ծանօթանալ ձեր շրջագայութեան ծրագիրին: Ներբեռնել ծրագիրը: